بقلم:علي يوسف أبو بيجاد
إيه يعني لما أموت
ما عادي كلنا هنموت
ولا هستخسروا فيا الموت
بس عمري ما أموت في سكوت
هلبس الشدة والبيادة
وهأروح احارب كالعادة
وأنا طمعان في النصر أو الشهادة
ودلوقتي هأقول وصيتي
وانا في كامل قواي وصحتي
لما أموت مش عايز صويت
بالعكس عايز فرح وزغاريت
وقولوا عريس في ليلة دخلته
رايح يقابل ربه في جنته
وقولوا عاش راجل
ومات راجل
مات وهو بيحارب
ويقاتل
عدوه
عدو بلده وعزوته
جاي لك يا فلسطين
انا واخواتي
من العرب والمسلمين
جايين من بعيد
وسلاحنا في الأيد
يا نحررك
يا ارجع منك شهيد
مهو مش معقول
نسكت كدا علي طول
وعدونا سيفه عليكي
وعلي ولادك مسلول
واحنا مش غرب عنك
داحنا حته منك
وكلنا عنك مسئول
يا أقصانا
يا قبلتنا
ومبتغانا
من لك سوانا
لن نخضع
لن نركع
وسندافع عن
لآخر قطرة
من دمانا
ليست هناك تعليقات:
إرسال تعليق