مع كل إخلاص و شفافيه
و بالصدق شعلة حق مضويه
بتسوى الدِني بكنوزها و خيراتها
كلمة صباح الخير يـا بيـي
الكتب السماوية بوَرَع آياتها
للأب أعطت أفضل وصِيّه
بيك و أمك أفصحت كلماتها
معاملة فيها كل حنيه
الأب للوردة عِطِر نفحاتها
و نسمات جذابة و ربيعيه
بيتعب. بيشقى بالدني و قسواتها
و أشغال ليل نهار قسريه
بصيف الحرارة و الشتا و برداتها
و إيام أشغاله عبوديـه
لعيلتو يأمن لها حاجاتها
بعيشة كريمة تكون مرضيه
لمحافظة عالأب يا سادتها
بالوفا بالطاعة بحسن نيّه
عَلَّمـك تا حصُلت عا شهاداتها
و حصلت عمراكز وظيفيه
تْحمَّل عِبِء تعليمك بهفواتها
و سلطة و مناصب إجتماعيه
لولا سهر بيَّك على أوقاتها
ما كان عندك هالنجوميه
لا تخللي النفس عا عِلاتها
تعامل أبوك بكل سخريه
العيلة إذا للمعومية فاتها
عطف الأبوة بحال ظرفيه
متل الكإنو تهدمت دعماتها
و سقوطها بإيام حتميه
كُبُر الدني بأرجاءها و ساحاتها
و شمس و قمر و نجوم مضويه
صغية عقلب الأب بمساحاتها
مساحتو أبعـاد كونيه
لمّا سألت النفس عن رغباتها
بالعجل دغري ردت عليي
بدي حنان و صدر يحمي ذاتها
و بدي وطن… .ناديت يـا بـيي
الشاعر… د.علي مسلم عجمي
لبنان
ليست هناك تعليقات:
إرسال تعليق