بقلم:الشاعر دخيل العطيوي الثقفي
فمان الله روحي لك سنيناً فوق صدري عوق
وبين اضلوعي الحدبي زرعتي بالوجع لك ناب
تحملتك غصب وأسوق لك زفرات قلبي سوق
وكنتي مثل لفحات السموم على الوجهيه اعتاب
جزاك الله يالضيقة رسمتي فوق صدري طوق
كانه ماخلق في الارض غيري للاسى منصاب
معي سارت كذا والحظ يلعب دوره المنتوق
وانا حظي مع كــــل الدروب مسكر الابواب
حسبته فرحتي واثره وسمني مثل وسم النوق
وغيب بسمة من فوق وجهي دون شرح اساب
عسى الله يفرج اهموما بقلبي المعتلي من فوق
واعيش احلى ليالي العمر لا مكره ولا منصاب
ولكن الصبر عوض سنيني في مسى وشروق
برعبوب الغزال اللي بدا يرعى سهل وهضاب
بدت لي كنها سهيل اليماني له وميض بروق
ووجنات العيون من الحلا ترميك بالاعجاب
تبادلنا الغرام .بكل مايعني الهوا من ذوق
ووفينا الكلام بعهد نبقى فالحياه أقراب
نعوض ماضى في هالزمن يوم الحياه فروق
ونحيا في موده وافره تحكى بها الأعراب
ليست هناك تعليقات:
إرسال تعليق