***********************
نامي مثل ما نام في عيني الليل
واصحي مثل ماقام في عيني النور
لا يلحقك شكٍ بشيل.... المحاميل
ماني دخيل إن يلحقك مني قصور
بشيل همك لو حدتني.... البهاذيل
وأقبل كفوفك رياحين..... وزهور
والله لو ماعاد في قوتي.... حيل
لركز يميني وسندك لو بي عثور
خذي كفوفي للمدامع .....مناديل
وخذي عيوني للسهر لو هي شهور
وخذي عروقي للشقا والمحاصيل
وقلبي بعد يانور عيني لك يثور
يالغاليه يا نور...... كل القناديل
يكفي رضاك إليا حصلي ومشكور
يالغاليه يمه وانا متعب.... الحيل
دواي ضحكه لا ضحكتي على الفور
ماغير شوفة ضحكتك تجلي الويل
وتطرب خفوقي لو به الهم منثور
والله لوفي برك بصبح وبالليل
قدرك على راسي وفالقلب محفور
مايلحقك إن عاش راسي مداخيل
وإن مت فاولادي ولافيهم قصور
هم عزوتك هم مثل ضي القناديل
حولك ولا يلحقك الهم.... والجور
الشاعر
دخيل العطيوي
ليست هناك تعليقات:
إرسال تعليق