قلبي اتكسر
بعد إللي شوفته
م الدنيا والناس والبشر
ونزلت على قلبي الجروح
والمصايب زي المطر
قلبي إتكسر
قلبي إتكسر
م الحبايب لما باعوني
وأنا كنت فاكر إنهم
بكل غالي هيشتروني
كانوا هما أول من جرح
فيا وبكوا عيوني وخلوا ؟؟؟
قلبي إتكسر
قلبي إتكسر
لما قابلوا الحب بآسية
وآه م القدر
هما أول من جرح
وف عز جرحي
إتخلوا عني وغدروا بيا
قلبي إتكسر
قلبي إتكسر
من دنيا ضاع فيها الأمان
ولا حد إفتكر
إني في يوم سقيته
الحب وإديته الحنان
قلبي إتكسر
قلبي إتكسر
لما كنت عايش
أنا ف حالي وراضي
إتفقوا عليا وكأني أنا
إللي كنت بالشر بادي
وبرغم إللي شوفته منهم
إتحملت ياما وقولت عادي
قلبي إتكسر
قلبي إتكسر
بعد ما ضحيت بعمري علشانهم
ولولايا ماكان في يوم
ضحك ليهم زمانهم
لكن أعمل إيه
ما فكرت يوم أتخلى عنهم
قلبي إتكسر
قلبي إتكسر
بقلمي الشاعر/ وحيد محروس خليل
ليست هناك تعليقات:
إرسال تعليق