حد يسلفني فرحة
أو ضحكة ترد روحي
أو حتى كلمة حلوة
أداوي بيها جروحي
حد يسلفني فرحة
الحمل زاد عليا
والدنيا مش رحماني
سقياني مر وآسية
وبصرخ ومش سمعاني
حد يسلفني فرحة
حتى إللي كانوا مني
بعدوا عني وسابوني
ولا سألوا مرة عني
وليه بالرخيص باعوني
حد يسلفني فرحة
عايش في دنيا غابة
وما حد بيرحم حد
والكل صبحوا ديابة
وأنا حيلي خلاص إتهد
حد يسلفني فرحة
غلبت أصرخ وأنادي
ليه يادنيا الظلم ليييه
والكل بيضحك وعادي
والعدل فين آلاقييييه
حد يسلفني فرحة
الضحكة في قلوبنا ماتت
وكآبة فوق الوشوش
والفرحة في قلوبنا غابت
وحوش يارب حوووش
حد يسلفني فرحة
بقلم الشاعر/ وحيد محروس خليل
ليست هناك تعليقات:
إرسال تعليق