******
رنـت مـن تليفونهـا وقــالت
إمته يا شيخنا ناوى تتوب
فطت دمعة فى عينى وسألت
هـو الحب يا رضوى ذنـوب
أنـا حبيتك.. وانتى رضيتي
ويـاما خبَّـرْتك كلي عيـوب
وجايه ده الوقت تقولى خلاص
روحْ يا حبيبي ونمْ مغلوب
ايه كـان ذنبي لمَّــا عشقتك
وعقلي بحبك كان مسلـوب
صوتك لما سمعته إمبارح
خلى القلـب يثور ويـدوب
سمسم بنتـك .. قالـت لينـا
حبي لماما رضوى وجوب
أمَّــا مراتى .. وكل حارتنا
قالوا عليكى ملاك محبوب
وجايه ده الوقت تطلبي منى
أصبر صبر ... نبينا أيـوب
لو عشقاني بجد يا رضوى
اغرسي جوه القلب حبوب
يطـرح ورد جميـل زيكى
يملا الدنيا عسل يعسوب
كل الناس هتقول حكايتنا
وتنزل صورنا على اليوتيوب
يله يا روحى ارفعى رايتك
وقولى قـدرنا هو المكتوب
*******
شعر / حمودة سعيد محمود
الشهير بحمودة المطيري
ليست هناك تعليقات:
إرسال تعليق