وسط يومى
وزحمتى
وسط فرحى ودمعتى
وسط حتى غربتى
لقيتنى وقفه بنتظر
كلمه راجعه
أو ورقه تايهه
فيها فرحه
فيها ضحكه
فيها بكره من غير خوف
فيها عمرى اللى أتسرق
فيها حلم
متشوقه أنى أحلمه
حروف متزوقه
بلون فرحتى
فيها حاجات ما عشتها
فيها أحلام ما حلمتها
فيها إيد تحضن تطمن
فيها روح تسند تونس
فيها ضهرى ما ينحنى
فيها قلبي ما ينجرح
فيها حاجات كتير
ولسه الروح بتنتظر
منى محمد رزق
ليست هناك تعليقات:
إرسال تعليق