إن قلبي يفرح لما أشوفك
أو يحكوا عنك وعن ظروفك
لو حتى أسمع يوم كلامك
تلاقيني بتوه مابين حروفك
ويبقى قلبي الشوق ماليه
يبقى دا معناه إيييييييه
..........................معناه إيه
ولو في مرة تيجي سيرتك
أو حد يوم يسألني عنك
وأحس أنك مني وأنا منك
وف لحظة ألاقي شغلني طيفك
وتحلى أيامي لو أشوفك
ياحلم ياما حلمت بيه
يبقى دا معناه إيييييييييه
.........................معناه إيه
لما تبعد ويزيد خصامك
وتوحشني ويوحشني حنانك
وأفتكر همسك ليا وكلامك
وإيدي وهي حضناها كفوفك
وعينيك لما تبات في عيني
وألاقي قلبي الشوق ماليه
يبقى دا معناه إييييييييييه
..........................معناه إيه
لما ما شوفش حد غيرك
وتكون سمايا وأنا فيها طيرك
وقلبي يكون عبدك وأسيرك
وف جناين وردي بيفوح عبيرك
ولو كل كلام الحب أنا قولته
شوية على قلبك وما يكفيه
يبقى دا معناه إيييييييييه
........................معناه إيه
ليست هناك تعليقات:
إرسال تعليق